Sheben Youth

Sheben Youth

منتدي شباب شبين القناطر منتدي لكل الشباب
 
الرئيسيةالبوابةس .و .جبحـثالتسجيلدخول

شاطر | 
 

 يبقى انت اكيد فى مصر

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
خالد عيس
زائر
avatar


مُساهمةموضوع: يبقى انت اكيد فى مصر   الخميس مارس 05, 2009 8:56 pm

اول موضوع ارسلو يارب يعجب كل اللى يقروووووو وابعت رد وبطلو بخل
عشان انت مصرى لازم تعانى
وتفقد كرامتك بكل المعانى
وتحرق فى دمك سنين مش ثوانى
واوعى تصدق كلام الاغانى
بتاع الحضاره وكانى ومانى
ده كله هجايص مايدخل ودانى

عشان انت مصرى العذاب بيناديك
بتبدا فى يومك حاجات بترازيك
فى نومك فى قومك تعكنن عليك
تضايقك ولسه العماص فى عينيك
مافيش ميه تشطف صابونه فى ايديك
وجسمك ملزق وريحتك عاديك
فتلبس وتنزل وفيك اللى فيك

ورايح لشغلك حتحتاج مواصله
ادى المترو واقف وكهربته فاصله
وفى الميكروباص خناقه وحاصله
واوتوبيس فرامله عايزالها وصله
وتوك توك ده تايه ومحتاج لبوصله

بتوصل لشغلك بدم اتحرق
فى زحمه وكتمه وحر وعرق
رئيسك سايبلك كومه ورق
ده غير دمغه ضايعه وملف اتسرق
وفى كام مواطن عامللك قلق
بيشكى تقول له روح اندعق
وعركه وهوجه وشاى اندلق
ومخك خلاص من الصداع اتفلق
هترجع لبيتك ده لو كان فى بيت
هتوصل هتندم ياريتك ماجيت
مراتك بتصرخ خلاص استويت
عيالك بتطلب وهات كيت وكيت
تزعق تهاتى ياناس اتهريت
ولاحد سامعك مهما هاتيت

عشان انت مصرى وده للاسف
فلازم تاسى تعيش تتقرف
وكل الاساسى فى حياتك ترف
فتنسى الكرامه وتنسى الشرف
وتسرق وتنصب او تنحرف
ودمعك بيجرى وجرحك نزف
مش انت اللي مصري؟؟؟ جتك القرف


farao farao farao farao farao farao

للمرسله:weekaweeka2000@yahoo.com
الرجوع الى أعلى الصفحة اذهب الى الأسفل
ابراهيم ابوباشا
الإدارة
الإدارة
avatar

عدد الرسائل : 516
العمر : 27
تاريخ التسجيل : 15/06/2008

مُساهمةموضوع: رد: يبقى انت اكيد فى مصر   الأحد سبتمبر 13, 2009 2:03 am

هدي اللعب شويه يا عم خالد الله يباركلك

ايه الكلام اللي يعور ده عالعموم تشرفنا بيك يا خااااااااالد معانا

هيماااااااا
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://sheben.mam9.com
 
يبقى انت اكيد فى مصر
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
Sheben Youth :: المنتدي العام :: ركن المواضيع العامة والأخبار-
انتقل الى: