الدورة الرمضانيه بشبين القناطر 2008 في سطوووووووور by : Ebrahim Abobasha

........................... بســــــم اللـــــــــه الرحمــــــــن الرحيــــــــــم ..............................


..................... و الســــلام عليكــــــم و رحمـــــــــــه اللــــــه و بركـــــــاته .....................

احب أعرفكم بنفسي الأول
ابراهيم ابوباشا صاحب المنتدي و كنت مشترك مع فرقه من فرق الدروة الرمضانيه اسمها الحمد بس للأسف محصلش نصيب و مصعدناش أو ما كملناش .........

المهم بقي

أحب أعرفكم بجميع أخبار الدورة الرمضانيه و أحسن ناس لعبت و خرجت و المواقف اللي حصلت فيها و كل حاجه عنها ...........

في أول الكلام بقي أحب أتكلم على أحسن فرق خرجت انا مش هاقول اولهم انا

ده كله كان من الدور الأول يا جماعه او دور المجموعات

طبعا كانت أكبر مفاجأة في الدور ده هو خروج أقوي فريق و اللي كان الوصيف السنه اللي فاتت و اللي كانت مرشحه بقوة تاخد البطوله السنه دي و هي "" أولاد عامر "" اللي من سوء حظهم خرجوا بضربات الجزاء من فرقه الطنانيه اللي هي هتلعب نهائي ان شاء الله و طبعا كلنا عارفين الكابتن عبد الفتاح اللي مع فرقه اولاد عامر ده يا جماعه لعيب بجد كاااااارثه ما علينا المهم بردو أتفاجانا بخروج فرقه شريف مشرف حبيب قلبي اللي كان مرشح انه يصعد اول المجموعه بعد أداءه الجبار قدام فريق مرسيليا و فوزه عليهم واحد - صفر طبعا عايزين ننبه ان فرقه شريف دي بتضم الكابتن محمد فاروق نجم نادي " المصريه للأتصالات " اللاعب الرائع بجد و بالتوفيق ليه يا رب و بعد كده فاجأنا شريف بأداءه الضعيف و خروجه بعد ما كان مرشح يصعد أول ما علينا بس بجد كان فريق جامد أوي أوي و كان بجد يستاهل يصعد و بعدين عايزين ننوه ان المجموعه دي يا جماعه كان فيها فرقه اول مرة يشاركوا أسمهم "" أيطاليا "" اللي كان فيها واحد من اللي انا بتوقع ليهم مستقبل باهر في عالم كرة القدم أسمه ""توتي "" أفتكروا يا جماعه الأسم ده قريب المهم يا جماعه دول كما خرجوا من الدور الأول بس بصراحه بعد أداء مشرف و عرفنا ان مرسيليا صعدت اول و صعد تاني كوكي على حساب شريف مشرف في ماتش تاريخي بجد فرقه شريف اتبهدلت بجد من فرقه كوكي و ده كل بفضل تلت نجوم من العرب و هما """ أبو سريع و علاء و وليد """ المهم و طبعا صعدت فرقه الأصدقاء و النجوم البيضاء اللي بتضم الكابتن محمود سعيد و نجمين كبار أوي أصحابي او زي أخواتي هما عبد السلام لاشين و طه للدور التاني من مجموعه كانت ضعيفه جدا و بعدين يا جماعه صعدت فرقه الطنانيه و كفر شبين من المجموعه الأولي ده طبعا بعد المفاجأة الرهيبه بخروج أولاد عامر و نيجي بقي للمجموعه اللي كانت تعتبر هي مجموه الموت المجموعه التالته اللي هي مجموعتي اللي كانت بتضم
"""""" مانشستر , الحمد " أحمد طلعت " , العذبه " الطحاويه " , حسن حبيب " مملوك " , النسووور , الشياطين الحمر """"""
طبعا عرفنا ان صعد منها مانشستر و مملوك و أحنا خرجنا بس و الله يا جماعه كانت من احسن الدورات اللي لعبناها و يكفي شكر الناس جميعا لينا و لأداءانا الجميل جدا بس الحمد لله على كل شيء ............
نيجي بقي لدور التمانيه أتفاجانا بخروج الأصدقاء " بليه " على ايد مانشستر و خروج مرسيليا على ايد كفر شبين و خروج مملوك على ايد النجوم البيضاء و كوكي على ايد الطنانيه
و بعدين دور نص النهائي خرجت النجوم البيضاء على ايد مانشستر و خرجت كفر شبين على أيد الكنانيه و أحنا مستنين النهائي بفارغ الصبر


............................ مفارقات و أحداث الدورة و غرائبهاااااااااا.................................

أول حاجه يا جماعه هي أصابه الكابتن محمود سعيد اللي هتحرمنا منه لأكتر من شهر و نص بس تهتك في العظام نتيجه خبطه من شعبان جامده أوي و و الله هتوحشنا يا حوده و ألف ألف ألف سلامه عليك كمان مرة يا حوده و ترجع لينا بالسلامه ياااااااااارب ....

تاني حاجه يا جماعه هي أصابه الكابتن الكبير أوي محمد خليفه نجم نادي مانشستر بفتحه تحت العين نتيجه خبطه من صاحبه عباده عقب فرحتهم بأحراز الهدف الأول في فريق الأصدقاء قلقتنا عليك يا خليفه عالعموم ألف ألف سلامه و بالتوفيق و النجاح دايما

تالت حاجه طبعا هي خروج الفرق الكبار أوي زي أولاد عامر و مرسيليا و الأصدقاء و شريف مشرف و مملوك و كوكي و أخيرا أحناااااااا """ الحمد """ !!!!!!!!!!!!!!!

رابع حاجه هي أنضمام النجمين طه و بودي لاشين لفرقه محمود سعيد او النجوم البيضاء عالعموم ربنا معاهم في البطولات الجاي و مبروك يا حوده على الصفقتين الجامدين دووووووول و ألف سلامه ليك يااااااااارب ...............

خامس حاجه هي صعود الطنانيه للنهائي طيب أزاااااااااااااااااااااي ..................
و محدش يقولي اشمعنا مانشستر لأه دول و الله العظيم ما أنهم كانوا في مجموعتي بس أنا كنت حاسس أنهم ان شاء الله هيلعبوا نهائي و الحمد لله أحساسي طلع صح عالعموم اهلا بيكم يا طنانيه ...........................

و ده كله يا جماعه يعتبر ملخص الدورة الرمضانيه لسنه 2008 ده طبعا باستثناء النهائي

عالعموم ألف مبروك للفايزين و هارد لك لكل اللي خرجوا و أولهم أنا

و ان شاء الله الدورة الجايه بأذن الله أجمد ...............

و ربنا معايا انا بقي في الدوري بتاع شبين مع النادي الزفت ده مع اني مش عايز ألعب عايز أتدرب و بس ..... بس يالا بقي هسيبها لربنا.........

و ان شاء الله الدورة لمانشستر يعني فرقه اخويا معتز ........

و أستنونا بقي في الموضوع الضخم عن النهائي بالصور على أيدي ان شاء الله بأذن الله يوم الأتنين و ربنا معانا جميعا.....

و اهو الدراسه بدات و بردو ربنا معانا جميعا و بالتوفيق للكل.............

معلش بقي طولت عليكم بس انا بوصل الأخبار للكل ..........

و السلام عليكم و رحمه الله و بركاته هيمااااااااااااااااا ..................


.................................................................................................................

اخوكم و صاحب المنتدي و مؤسسه /// إبراهيم أبوباشـــــــــــــــــــــا .................








يا رب الموضوع يعجبكم هيماااااااااااااااااا

الموضوع هايل جدا بس ارجو تدعيمه بالصور وبشكر اخويا هيما صاحب الموضوع علي الأهتمام بالدورة وبفرقتنا فرقة مانشستر

و احمد طه يحب يقول ربنا يوفق اخويا الكابتن محمد خليفه و معتز ابو باشا و كل الفرقه الكبيره و طبعا مستنيين الحاجه الساقعه بعد الفوز بادوره الرمضانيه لعام 2008

انت ملك يا احمد يا جمال